2018-ci ildən etibarən pensiyaların artırılması üçün yeni mexanizm tətəbiq olunacaq.
Gununsesi.info xəbər verir ki, bunu əmək və əhalinin sosial müdafiəsi naziri Səlim Müslümov bu gün Milli Məclisdə komitələrin iclasında 2018-ci ilin büdcəsinin müzakirəsi zamanı deyib.
O deyib ki, artıq “Pensiyalar haqqında” qanunda pensiyaların artırılması mexanizminə dəyişiklik edilərək yeni hesabla qaydası tətəbiq edilib.
“Əvvəllər pensiya iki yerə, baza və sığorta hissəsinə bölünürdü və bu zaman artımlar pensiyanın baza hissəsinə ölkə başçısı İlham Əliyevin sərəncamları hesabına müəyyən məbləğlərlə artırılırdı. Sığorta hissəsi isə hər ilin əvvəlində əvvəlki ilin inflyasiya göstəricisinə uyğun olaraq artırılıraraq indeksləşdirilirdi. Lakin yeni qaydaya əsasən artıq pensiyanın baza və sığorta hissəsi hissəsi yoxdur, ümumi məbləğ var. Artımlar bütün məbləğə şamil olunacaq”-deyə, nazir bildirib.
Mürtəza
Gununsesi.info