Tehranda İslam Azad Universitetinin tələbəsi alt paltarında kampusun həyətinə çıxdığı üçün saxlanılıb.
Gununsesi.info xarici mediaya istinadən xəbər verir ki, adı açıqlanmayan qızın saxlanılması təhsil müəssisəsinin rəhbərliyi tərəfindən təsdiqlənib. Onlar bildiriblər ki, onun əməlinin motivləri aydınlaşdırılır.
Sosial şəbəkələrdə tələbənin alt paltarında kampusda gəzişməsinin videosu yayılıb. Qızın noyabrın 2-də saxlanıldığı bildirilir.
Amir Kabir Newsletter teleqram kanalı tələbənin bu, hərəkətinin etiraz olduğunu bildirib.
Məlumata əsasən o, əvvəllər səhv hicab taxdığına görə ( bir versiyaya görə hicab geyinmədiyi üçün) hücuma məruz qalıb.
Bildirilir ki, tələbənin universitet təhlükəsizlik qüvvələri və hökumətyönlü Bəsic gənclər təşkilatının üzvləri tərəfindən hücuma məruz qalaraq paltarı cırılıb.
İran İnternational hadisə şahidlərinə istinadən yazır ki, həbs zamanı tələbə də zorakılığa məruz qalıb. Digər şeylər arasında, onun başı avtomobilin qapısına və ya dirəyə dəyərək, ağır qanaxmaya səbəb olub.
Universitet sözçüsü onun “ciddi psixi təzyiq altında” olduğunu və “psixi pozğunluğu” olduğunu bildirib.
İranın “Hamshahri” qəzetinin mənbələri iddia edir ki, tələbə psixiatrik xəstəxanaya yerləşdirilə bilər.
İrandakı insan haqları müdafiəçiləri Amnesty International məhbusun dərhal azad edilməsini tələb edib.
Xatırladaq ki, 2022-ci ildə İranda doğru hicab geyinmədiyinə görə “nahaq yerə” saxlanılan 22 yaşlı Məhsa Əmininin ölümü ilə bağlı kütləvi etirazlar bir neçə ay davam edib.
Toqquşmalar nəticəsində yüzlərlə insan həlak olub, minlərlə insan yaralanıb. Bəzi etirazçılar sonda İran hakimiyyəti tərəfindən edam edilib.
2023-cü ildə İran hakimiyyəti hicab taxmayan qadınları təqib etmək üçün yeni vasitələr, o cümlədən “ağıllı kameralar” tətbiq edib.
Şəbnəm
