Uşaqlar terror təşkilatlarının hədəfindədir. Birləşmiş Millətlər Təşkilatının ‘2023 Uşaq və Silahlı Münaqişə Hesabatı’nda Suriyada uşaqların məruz qaldığı pozuntular rəqəmlərlə açıqlanıb.
Gununsesi.info xarici mediaya istinadən xəbər verir ki, terror təşkilatı PKK/YPG tərəfindən qaçırılan və silah verilən uşaqların sayı hesabatda yer alıb.
Bildirilir ki, onların yaşları 9-17 arasındadır. BMT-nin hesabatına görə, terror təşkilatı PKK/YPG 2023-cü ildə Suriyada 231 uşağı zorla sıralarına qatıb.
Münaqişə zonalarına göndərilən uşaqların yaşları 9-17 arasında dəyişir.
Terror təşkilatı PKK/YPG-nin uşaqlara qarşı tətbiqləri bununla məhdudlaşmır.
Aralarında əcnəbi vətəndaşların da olduğu 800-dən çox uşaq terror təşkilatı PKK/YPG tərəfindən “müxtəlif silahlı qruplaşmalarla əlaqədə olduqları” iddiası ilə saxlanılır.
Məlumata görə, ancaq terror təşkilatı DEAŞ-a aid düşərgələrdə saxlanılan uşaqların sayı təxminən 29 mindir.
Terror təşkilatının düşərgələrindəki uşaqlar da ağır insan haqları pozuntularına, işgəncələrə, pis rəftarlara, təzyiqlərə və psixoloji zorakılığa məruz qalırlar.
PKK/YPG və digər strukturlar 2023-cü ildə 8 uşağı ya öldürüb, ya da şikəst edib.
Bundan əlavə, terrorçular silahlı fəaliyyətləri üçün 31 məktəb və xəstəxanadan istifadə ediblər.
Şəbnəm
Gununsesi.info
