Terrorizmə qarşı mübarizə çərçivəsində həyata keçirilən əməliyyat nəticəsində 442 nəfər həbs olunub.
Gununsesi.info “milliyet”-ə istinadən xəbər verir ki, Türkiyə Daxili İşlər Nazirliyi terrorla mübarizə çərçivəsində həyata keçirdiyi əməliyyatla bağlı açıqlama yayıb. Nazirliyin yaydığı məlumatda bildirilir ki, son bir həftə ərzində terrorçulara qarşı mübarizə çərçivəsində 253 əməliyyat həyata keçirilib. Bu əməliyyatlar nəticəsində 9 terrorçu zərərsizləşdirilib. Onlardan 3-ü ölüb, 2-si təslim olub, 4-ü isə sağ yaxalanıb.
PKK-ya dəstək verən 344 nəfər saxlanılıb və onlardan 36-ı barədə həbs qətimkan tədbiri seçilib. Bu istiqamətdə həyata keçirilən əməliyyatlar nəticəsində terrorçular tərəfindən istifadə olunan 48 sığınacaq, mağara, gizlənmə yeri, 45 əl qumbarası və mina aşkar edilərək məhv edilib.
Bundan əlavə olaraq, ümumilikdə 183 kq partlayıcı maddə, 33 əl bombası və 70 müxtəlif növ silah aşkar edilərək götürülüb.
FETÖ/PYD-yə qarşı mübarizə çərçivəsində isə 627 nəfər saxlanılıb ki, onlardan 406-ı barədə həbs qətimkan tədbiri seçilib.
DİN-in verdiyi məlumatda o da qeyd olunur ki, külli miqdarda narkotik maddələr götürülüb.
Bu işlə məşğul olan 106 nəfər saxlanılıb.
Gununsesi.info
