Gələn ilin noyabrında ABŞ-da keçiriləcək prezident seçkiləri üçün namizədlər hərəkətə keçib.
Gununsesi.info xəbər verir ki, ABŞ-ın keçmiş prezidenti olan və reslosunu demokrat rəqibi Co Baydenə təhvil verdikdən sonra tez-tez ona qarşı iddialarla gündəmə gələn Donald Tramp dünən Las-Veqasda seçicilərin qarşısına çıxıb.
Tramp 80 yaşlı Co Baydeni ələ salaraq iştirakçıları əyləndirib. Son həftələrdə Co Baydenin səhhətinin vəziyyəti ABŞ ictimaiyyətində tez-tez müzakirə edilir və ABŞ prezidentinin tez-tez tərəddüd etməsi, istiqamətləndirilməməsi və danışarkən mövzuları qarışdırması fikir ayrılıqlarına səbəb olur.
Tramp rəqibinə qarşı çox sərt ifadələr işlədib: “İki cümləni bir araya gətirə bilməz, ancaq nüvə müharibəsinin məsuliyyəti ona verilib”.
Baydenin çıxışlarından sonra həyat yoldaşı Cil Bayden və ya köməkçilərindən birinin yanına gələrək onu səhnədən götürdüyünü xatırladan Tramp daha sonra “Orada pilləkən görürəm, orada pilləkən var. “Lazım gəlsə, bu tərəfdən aşağı atlaya bilərəm, problem yoxdur” deyib.
Tramp daha sonra səhnədən enməyə çalışan və mövqeyini ala bilməyən Baydenin “səssiz təqlidi” edib.
