ABŞ-ın keçmiş prezidenti Donald Tramp rusiyalı müxalifət lideri Aleksey Navalnının ölümü ilə bağlı açıqlamalar verib.
Gununsesi.info xəbər verir ki, Navalninin “çox cəsarətli adam” olduğunu və Rusiyaya qayıtmamalı olduğunu bildirən Tramp rusiyalı müxalifət liderinin ölümü ilə bağlı heç bir ittiham irəli sürməyib.
Tramp bu barədə Cənubi Karolina ştatında “Fox News” telekanalına müsahibəsində deyib.
“O, yəqin ki, geri qayıtmaqdansa, ölkədən kənarda qalmaq və danışmaqdan daha yaxşı olardı, çünki insanlar bunun baş verə biləcəyini düşünürdülər və belə də oldu. Və bu, dəhşətli bir şeydir”, – deyə o bildirib
Həm 2017-2021-ci illərdə Ağ Evdə işlədiyi dövrdə, həm də ondan sonra Putinə heyran olduğunu bildirən Tramp özünü Navalnı ilə müqayisə edib və hər ikisinin “siyasi motivli təqiblərlə” üzləşdiyini deyib.
“Bizim ölkədə də belə olur. Biz bir çox cəhətdən kommunist ölkəsinə çevrilirik. Baxırsınızsa, əsas namizəd mənəm. Məni ittiham edirlər”, Tramp deyib.
Gununsesi.info
