Yeni seçilmiş ABŞ prezidenti Donald Tramp 2017-ci ilin yanvarından ölkəni rəsmi olaraq idarə etməyə başlayacaq.

Axşam.az-ın xarici KİV-ə istinadən məlumatına görə, Tramp indidən ətrafına güclü və ağıllı insanları yığmağa başlayıb.

Prezidentə yaxın mənbə bildirib ki, Donald aktyor Silvestr Stalonnini də siyasətə cəlb etmək niyyətindədir. Prezident bu barədə aktyora rəsmi müraciət etməsə də, lakin onunla yaxından tanış olduğunu və onu da öz ətrafında gördüyünü bildirib.

D.Tramp, hətta, Silvestrı hansı işdə gördüyünü də açıqlayıb. Belə ki, o, Stalonniyə ABŞ-ın Milli Fondunun rəhbəri vəzifəsini vermək niyyətindədir.

Qeyd edək ki, bir müddət əvvəl Donald məşhur repçi Kanye Uestlə görüşüb. Bəzi mənbələr ABŞ liderinin repçiyə prezident administrasiyasında vəzifə verəcəyini qeyd ediblər.

Gununsesi.info