Tramp Tillersonu niyə işindən azad etdi?AÇIQLAMA

Tramp Tillersonu niyə işindən azad etdi?

ABŞ prezidenti Donald Tramp dövlət katibi Reks Tillersonu işdən çıxarmasının səbəblərini izah edib.

Gununsesi.info xarici KİV-ə istinadən xəbər verir ki, Tramp bir sıra məsələlərdə, xüsusilə də atom silahı ilə bağlı İranla razılaşmaya dair aralarında fikir ayrılığı olduğunu bildirib:

“İranla razılaşmaya baxın. Mən hesab edirəm ki, o, dəhşətlidir. O isə hesab edir ki, hər şey qaydasındadır. Mən daha əvvəl razılaşmanı pozmaq və ya nə isə etmək istəyirdim. Tillerson isə bir qədər fərqli düşünürdü”.

Tramp qeyd edib ki, Tillersonla yaxşı yola gediblər, lakin detallarda fikir ayrılığı yaşayıblar: “Mayk Pompeo (yeni dövlət katibi) ilə bizim çox oxşar yanaşmalarımız var. Hesab edirəm ki, hər şey yaxşı keçəcək”.

Gununsesi.info

COMMENTS