ABŞ-ın Apelyasiya Məhkəməsinin hakimləri prezident Donald Trampın imzaladığı anti-miqrant fərmanını şübhə altına alıblar.

Publika.az xəbər verir ki, hakimlər Donal Trampın 6 müsəlman ölkəsinin vətəndaşlarının ABŞ-a səfərinə qadağa qoyan fərmanının insan hüquqlarına və demokratiyaya zidd addım olduğunu bəyan ediblər.

Hakimlər bildirib ki, Donald Trampın sözügedən fərmanında dini qərəzlilik mövcuddur.

Virciniya ştatının Riçmond şəhərində keçirilən məhkəmədə Donald Trampın nümayəndəsi kimi iştirak edən ABŞ-ın Baş prokurorunun müavini Cefri Vall da hakimlərin çətin sualları qarşısında aciz qalıb.

ABŞ-ın Meriland Apelyasiya məhkəməsinin federal hakimi Teodor Çuanqın istəyi ilə Donald Trampın 15 mart fərmanının araşdırılması qərara alınıb.

Xatırladaq ki, hakim Teodor Çuanq Donald Trampın 6 müsəlman ölkəsinin vətəndaşlarının ABŞ-a səfərinə qadağa qoyan fərmanının icrasının ləğv edilməsi barədə qərar çıxarıb.

Gununsesi.info