ABŞ prezidenti Donald Tramp və İlon Maskın federal hökumətin ixtisarına dair işləri davam edir. ABŞ Müdafiə Nazirliyinin (Pentaqon) təxminən 60 min mülki işçisini ixtisar etməyə hazırlaşdığı bildirilir.
Gununsesi.info xarici mediaya istinadən xəbər verir ki, Associated Press (AP) xəbər agentliyinin müdafiə rəsmilərinə əsaslanaraq dərc etdiyi xəbərdə nazirliyin 50-60 min mülki işçini ixtisar edəcəyi vurğulanıb.
Hesabatda daha əvvəl Tramp administrasiyasının federal işçilərə göndərdiyi “könüllü istefa” çağırışını qəbul edən təxminən 21 min mülki işçinin yaxın aylarda qurumu tərk edəcəyi də bildirilir.
Rəsmilər, 900,000-dən çox mülki işçi qüvvəsinə sahib olan Pentaqon, bu işçi qüvvəsini 5% -dən 8% -ə qədər ixtisar etməyi planlaşdırır, departament isə müntəzəm olaraq ayrılan işçiləri əvəz etməməklə ayda təxminən 6,000 vəzifəni ixtisar etməyi planlaşdırır.
ABŞ Prezidenti Donald Tramp ilə Hökumətin Səmərəliliyi Departamentinə (DOGE) cavabdeh olan Elon Musk federal hökumətin ixtisar edilməli olduğunu bəyan edir. San Fransisko Dairə Məhkəməsinin hakimi Uilyam Alsup işdən qovulan federal işçilərlə bağlı iddiada Tramp administrasiyasına qarşı qərar verib.
Ağ Evin federal işçiləri işdən çıxarmaq səlahiyyətinin olmadığını bildirən Alsup, Tramp administrasiyası tərəfindən Veteranlarla İş, Kənd Təsərrüfatı, Müdafiə, Enerji, Daxili İşlər və Xəzinədarlıq departamentlərində işdən çıxarılanların dərhal işlərinə bərpa olunmasını əmr edib.
San-Fransiskoda Tramp administrasiyasının kütləvi ixtisarına etiraz edən məhkəmə prosesi ölkə miqyasında eyni mövzuda olan çoxsaylı işlərdən yalnız biridir. ABŞ Prezidenti Tramp vəzifəyə gəldikdən sonra milyarder iş adamı İlon Maskı rəhbər təyin etdiyi Hökumətin Səmərəliliyi Departamenti (DOGE) vasitəsilə federal qurumlarda çalışan minlərlə işçini işdən çıxarıb.
Kütləvi ixtisarlar, xüsusən də yeni işəgötürənlərin cəlb edilməsi nəticəsində ölkə daxilində bir çox həmkarlar ittifaqı və təşkilatlar Tramp hökumətinə qarşı məhkəmə iddiaları qaldırdılar.
Orxan
