ABŞ-ın vitse-prezidenti, Demokratlar Partiyasından dövlət başçılığına namizəd Kəmalə Harris respublikaçı rəqibi Donald Trampın olduğu qolf klubunun yaxınlığında baş verən atışmaya münasibət bildirib.
Gununsesi.info xəbər verir ki, bu barədə o, X sosial şəbəkəsində yazıb.
Harris Trampın olduğu yerin yaxınlığında baş verən atışmadan sonra ABŞ-da zorakılığa qarşı çıxış edib: “Mən keçmiş prezident Trampın və onun Florida ştatındakı mülkünün yaxınlığında atışma ilə bağlı xəbərlər aldım və onun təhlükəsiz olmasına şadam. Amerikada zorakılığa yer yoxdur”.
Qeyd edək ki, sentyabrın 15-də Trampın seçki kampaniyasının nümayəndəsi Stiven Çunq bildirib ki, ona yaxın ərazidən atəş açılıb və hazırda Trampın heç bir həyati təhlükəsi yoxdur.
Gununsesi.info
