Kolumbiyanın Santa Fe de Antiokia turizm qəsəbəsində 7 cəsəd tapılıb.
Gununsesi.info xəbər verir ki, qəsəbənin Antioquia inzibati bölgəsindəki kənd ərazisində çoxlu cəsədin tapıldığı xəbəri üzərinə hadisə yerinə gələn polis qrupları 7 nəfərin güllələnərək öldürüldüyünü müəyyən edib.
Hadisə yerində mətbuata açıqlama verən polis rəisi Uilyam Daniel Melo işgəncə izləri olan cəsədlərin müayinə üçün məhkəmə tibb mərkəzinə aparıldığını bildirib.
Kolumbiya mətbuatında dərc olunan xəbərdə cinayətlərdən Clan del Golfo şəbəkəsinin məsuliyyət daşıdığı və qeyri-qanuni qızıl ticarəti səbəbiylə bölgədə dəstələr arasında qarşıdurma yaşandığı bildirilib.
Gununsesi.info
