İyulun 15-də Türkiyədə baş verəh hərbi dövlət çevrilişinə cəhd zamanı gecə Atatürk Hava Limanına hərəkət edən tankın önünə uzanaraq, bir anda qəhrəmana çevrilmiş Mətin Doğan həmin günün təəssüratlarını bölüşüb. Gununsesi.info Anadolu Agentliyinə istinadən xəbər verir ki, Tibb Fakültəsinin tələbəsi olan 40 yaşlı Doğan hadisəni baş verənlərdən danışıb: “Bu alçaq hücumu eşidən kimi küçəyə çıxdım. Atatürk Hava Limanına getmək üçün taksi tapa bilmədim. Küçədən keçən bir motosikletə məni ora aparmasını xahiş etdim. Hava Limanın qarşısında tankları və hərbiçiləri gördüm. Gördüyüm mənzərə məni çox təsirləndirdi, birdən özümü tankın üzərinə atdım. “Türk əsgəri mənəm, bəs siz kimsiniz?-, deyə bağırdım.
Sonra tank hərəkət etdi, mən də tankın sağ tırtılının üzərinə keçdim. Mənə əmr verirdilər ki, geri çəkilim, yoxsa vuracaq. Lakin onları dinləməyib hərəkətsiz dayanaraq, ölümümü gözlədim. Ancaq tank da hərəkət etmədi və başımı qaldıranda üzərində 3 əsgər gördüm. Əsgərlər mənə – biz də sizdənik, dedilər “-, deyə o bildirib Gülnaz Qənbərli
