Türkiyə xarici işlər naziri Mövlud Çavuşoğlu Əsəd rejiminin Afrinə qoşun yeridəcəyi ilə bağlı yayılan xəbərlərə sərt reaksiya verib.
Gununsesi.info “anadolu”-ya istinadən xəbər verir ki, Mövlud Çavuşoğlu İordaniyada Əsəd rejimi qoşunlarının Afrinə girəcəyi xəbərlərə sərt reaksiya verib: “ Bu başdan konkret olaraq deyirik ki, başladığımız “Zeytun budağı” əmliyyatının hədəfi bəllidir- terroristləri məhv etmək. “Fırat kalkanı”nında İŞİD-i necə təmizlədiksə, Afrin bölgəsində də Türkiyəyə təhdid yaradan YPG-ni təmizləmək üçün əməliyyata başlamışıq. Bir daha biz Suriyanın ərazi bütövlüyünü dəstəkləyirik. Odur ki, rejim güclərinin bura girməsini izah etməlidir, edirsə, nə üçün? Əsəd rejimi bura PKK/YPG-ni təmizləmək üçün girərsə problem yoxdur. Əgər YPG-ni qorumaq üçün girərsə, bizi, Türk əsgərlərinin kimsə durdura bilməz. Bu Afrin, Minbiç və Afrinin şərqi üçün keçərlidir”.
Gununsesi.info