Gununsesi. info Türkiyə Silahı Qüvvələrinin Baş Qərargahına istinadən xəbər verir ki, “Fırat kalkanı” əməliyyatı çərçivəsində dekabrın 18-də keçirilən əməliyyatlar nəticəsində Suriyanın Əl-Bab rayonu ərazisində İŞİD terrorçularının hədəflərinə zərbələr endirib.
TSK Baş Qərargahının məlumatında o da bildirlir ki, sutka ərzində 11 terrorçu məhv edilib.
“Əməliyyat çərçivəsində bir Türk əsgəri də dünyasını dəyişib”- deyə, qeyd olunur.
Baş Qərargahın yaydığı məlumatda deyilir ki, sutka ərzində İŞİD mövqelərinə 156 artilleriya, 52 aviazərbəsi endirilib.
Bu zərbələr nəticəsində İŞİD-in xeyli müdafiə mövqeyi dağıdılmaqla yanaşı, terroristlərə məxsus silah anbarı və xeyli sayda silah-sursatı məhv edilib.
Gununsesi.info
