Türkiyə və Britaniya yeni dönəmə doğru – BÖYÜK ANLAŞMA

  • By admin
  • 29 Dekabr 2020 10:36

Sabah Türkiyə ilə Böyük Britaniya arasında sərbəst ticarət sazişi imzalanacaq.

 

Gununsesi.org xəbər verir ki, “Bloomberg”in məlumatına görə, bu barədə Türkiyə Prezidenti Rəcəb Tayyib Ərdoğan hökumətin iclasından sonra açıqlama verib.

Dövlət başçısı imzalanacaq sazişin Gömrük Birliyi sazişindən sonra ən mühüm sənəd olacağını qeyd edib: “Dekabrın 25-nə olan vəziyyətə görə, ixracatımız 2020-ci ilin yekun hədəflərimizi üstələyərək 166 milyard ABŞ dollarına çatıb. 2021-ci ildən həm Türkiyənin, həm də Böyük Britaniyanın qazanacağı yeni bir dövr başlayır. Yüksək ÜDM-li yatırımlarla mövcud kəsirimizi örtərək xarici maliyyəyə olan ehtiyacımızı azaldırıq”.

Çindən sifariş etdikləri koronavirusa qarşı peyvəndin yeni ildən əvvəl çatdırılacağına ümidvar olduqlarını qeyd edən Türkiyə lideri daha sonra əlavə edib: “İnşallah, ən qısa müddət boyunca  yerli istehsal olan birdən artıq dərmanı millətimizin istifadəsinə vermək əzmindəyik”.

Xatırladaq ki, bundan əvvəl iki dövlətin bu sazişi imzalamaq niyyətini Britaniyanın Financial Times qəzeti açıqlamışdı.

Gununsesi.org