Türkiyə xüsusi xidmət orqanları Suriyanın şimalında YPG/YPJ terror təşkilatının Münbiçdəki fəaliyyətinə cavabdeh olan xüsusilə təhlükəli terrorçunu zərərsizləşdirib.
Gununsesi.info xəbər verir ki, Türkiyənin təhlükəsizlik mənbələrindən “Anadolu” agentliyinin əldə etdiyi məlumata görə, Münbiç bölgəsində keçirilən xüsusi əməliyyat zamanı “Sarah/Şervin Derik” kod adlı Uman Dərviş və mühafizəçiləri məhv edilib.
Dərviş 1998-ci ildə terror təşkilatı PKK-ya qoşulub. O, Türkiyədə həyata keçirilməsi planlaşdırılan terror aktlarının təşkilatçısı olub.
O, həmçinin “Fərat qalxanı” və “Zeytun budağı” zonalarında hərbçilərə qarşı hücumlara görə məsuliyyət daşıyırdı.
Səid Əhmədli
Gununsesi.info
