Türkiyədə inflyasiya növbəti dəfə azalıb

Türkiyədə illik inflyasiya beş aydır azalmaqda davam edir.

Gununsesi.info Türkiyə Statistika Təşkilatına (TÜİK) istinadən xəbər verir ki, mart ayında inflyasiya 50,51%-ə kimi azalıb. Ötən ay bu rəqəm 55,18% təşkil etmişdi.

İstehlak qiymətləri indeksi aylıq 2,29%, istehsal qiymətləri isə 62,45% artıb. Qeyd edilib ki, istehsal qiymətlərində artım son 16 ayda ən aşağı səviyyəyə düşüb.

Xatırladaq ki, Türkiyədə inflyasiya ötən ilin oktyabrında son 24 ilin ən yüksək səviyyəsinə – 85,5 faizə çatmışdı, ötən ilin sonundan etibarən isə tədricən azalmağa başlayıb.

 

Gununsesi.info