Türkiyənin Hakkari vilayətində partlayış baş verib.
Gununsesi.info “Anadolu” istinadən xəbər verir ki, minalanmış avtomobilin partlaması nəticəsində səkkiz türk əsgəri həlak olub. 10-a yaxın hərbçinin yaralandığı bildirilir.
Partlayış polis avtomobilləri yoxlayarkən baş verib.
***
Anadolu informasiya agentliyinin Türkiyə Silahlı Qüvvələrinə istinadla yaydığı son məlumata görə, avtomobilə yüklənmiş partlayıcının işə salınması nəticəsində 10 əsgər və 8 mülki şəxs həlak olub, 26 nəfər yaralanıb.
Bu bölgədəki Çukurca rayonunda törədilmiş digər terror hücumunda daha bir əsgər həlak olub.
Bildirilir ki, Çukurcada keçirilən aniterror əməliyyatlarında 8 terrorçu zərərsizləşdirilib. Bundan başqa, ərazidəki mağaralardan birində 4 terrorçunun cəsədi aşkarlanıb.
Bölgədə havadan dəstəklənən geniş miqyaslı əməliyyatlar davam edir.
Gununsesi.info
