Aprelin 24-də Bakı Ağır Cinayətlər Məhkəməsində hakim Rauf Əliyevin sədrliyi ilə narkotik vasitələrin dövriyyəsində və qaçaqmalçılıqda təqsirləndirilən Səyalə Nağıyeva və Nisə Babayevanın cinayət işi üzrə məhkəmənin hazırlıq iclası keçirilib.
Gununsesi.info-nun xəbərinə görə, prosesdə təqsirləndirilən şəxslərin anket məlumatları dəqiqləşdirilib.
Proses mayın 1-də davam edəcək..
Qeyd edək ki, Səyalə Nağıyeva və Nisə Babayeva 2017-ci ilin yanvarında Azərbaycan sərhəd məntəqəsindəhəbs ediliblər. Söylədiklərinə görə, qadınlar psixotrop maddəni şəxsi istehlak məqsədilə Türkiyədən Azərbaycana keçirmək istəyiblər.
Hər iki qadın Cinayət Məcəlləinin 234.1-ci (satış məqsədi olmadan qanunsuz olaraq narkotik vasitələri və ya psixotrop maddələri şəxsi istehlak miqdarından artıq miqdarda əldə etmə və ya saxlama) və 206-cı (qaçaqmalçılıq) maddələri ilə ittiham edilir.
Gülnaz Qənbərli
Gununsesi.info
