Türkiyə enerji sahəsini təmsil edən nümayəndə heyəti iraqlı həmkarları ilə Kərkükdən Ceyhana neft tədarükünün bərpa olunması məsələsini müzakirə ediblər.
Gununsesi.info xəbər verir ki, bu barədə “RİA Novosti”yə İraq Neft Nazirliyinin rəsmi nümayəndəsi Asim Cihad bildirib.
Danışıqlar Bağdadda baş tutub.
“Tərəflər Türkiyənin Ceyhan limanına neft ixracının tezliklə bərpa edilməsində maraqlı olduqlarını təsdiqləyiblər”, – deyə A.Cihad bildirib
Qeyd edək ki, İraqın kürd muxtariyyəti müstəqillik referendumu keçirdikdən sonra Kərkük-Ceyhan borusu ilə neftin nəqli dayandırılmışdı. Oktyabrın ortalarında İraq ordusu Kərkük əyaləti üzərində nəzarəti bərpa edib.
Gununsesi.info
