Türkiyənin Milli Müdafiə naziri Nurəddin Canikli ABŞ-ın müdafiə naziri Ceyms Mettislə regional məsələləri müzakirə edəcək.
Gununsesi.info xəbər verir ki, bu barədə Trend-ə Türkiyənin Milli Müdafiə Nazirliyindən məlumat veriblər.
Nazirlikdən deyilib ki, görüşdə Türkiyə və ABŞ-ın Müdafiə nazirləri Suriya böhranının nizamlanması və terrorizmlə mübarizə yollarını müzakirə edəcəklər.
Qeyd olunub ki, nazirlərin görüşü NATO-nun Brüsseldə keçiriləcək toplantısı çərçivəsində baş tutacaq.
Həmçinin bildirilib ki, N.Canikli NATO-nun baş katibi Yens Stoltenberq və Almaniyanın müdafiə naziri Ursula fon der Leyenlə də görüşlər keçirəcək.
Qeyd edək ki, BMT-nin məlumatına əsasən Suriyada 2011-ci ilin martından davam edən silahlı münaqişə nəticəsində 500 mindən çox insan həlak olub.
Gununsesi.info
