Türkiyə və Azərbaycanda təhsil alan tələbələrin diplomlarının qarşılıqlı olaraq tanınması vacibdir.
Gununsesi.info xəbər verir ki, bunu “Azərbaycan Respublikası Hökuməti ilə Türkiyə Respublikası Hökuməti arasında təhsil sahəsində əməkdaşlıq haqqında” Sazişin təsdiq edilməsi barədə qanun layihəsinin müzakirəsində deputat Qənirə Paşayeva deyib. Deputat təklif edib ki, təhsil müəssisələrində ortaq türk tarixi ilə bağlı dərs tədris edilsin: “Fikrimcə, ortaq tariximizlə bağlı dərsin tədris edilməsinə böyük ehtiyac var”. Deputat həmçinin Türkiyə məktəblərində Azərbaycan dilinin tədris edilməsi ilə bağlı da təklif irəli sürüb.
Q. Paşayeva çıxışının sonunda xaricdə təhsil alan bəzi gənclərin imtahanlardan uğurla keçə bilmədiyini və valideynlərinin maddi vəsaitlərini sərf edildiyini vurğulayıb. Deputat həmin gənclərin peşə yönümlü təhsil alması istiqamətində işlərin görülməli olduğunu bildirib.
Mürtəza
Gununsesi.info
