Hondurasın Roatan adasından havaya qalxan təyyarə bir neçə saniyə sonra suya düşüb.
Gununsesi.info xarici mediaya istinadən xəbər verir ki, 6 nəfər həyatını itirib.
Mərkəzi Amerika ölkəsi Hondurasda 17 nəfəri daşıyan kiçik təyyarənin dənizə düşməsi nəticəsində ilkin məlumatlara görə 6 nəfər həyatını itirib.
Roatan qubernatoru Huqo Varela jurnalistlərə bildirib ki, Xuan Manuel Qalvez hava limanından Trujilyoya qalxan təyyarə havaya qalxdıqdan az sonra Roatan adasının sahillərində dənizə düşüb.
Varela axtarış-xilasetmə işləri nəticəsində indiyədək 6 nəfərin cəsədinin tapıldığını və qrupların işlərini davam etdirdiyini bildirib.
Yerli mətbuatın məlumatına görə, təyyarə dənizə düşdükdən sonra alovlanıb. Bu səbəbdən axtarış-xilasetmə işlərinin çətinliklə davam etdiyi paylaşılıb.
Orxan
