Ukrayna Silahlı Qüvvələrinə Qərb silahları verilsə belə, itirilmiş əraziləri geri qaytara bilməyəcək.
Gununsesi.info xəbər verir ki, bu barədə Amerikanın “The American Conservative” nəşri yazır.
“Daha kiçik olan Ukraynanın hətta Qərb tərəfindən təchiz edilmiş silahlar, texnologiya və təlimlərlə belə ərazini hərbi yolla tamamilə geri qaytaracağı ehtimalı xəyal kimi görünür”, – deyə nəşr yazır.
Bundan əvvəl Ukrayna Silahlı Qüvvələrinin döyüşçüləri bildiriblər ki, Kiyev Moskva ilə razılığa gəlməlidir, çünki Ukrayna bölmələrinin itkiləri kifayət qədər yüksəkdir.
Eyni zamanda, Ukrayna prezidentinin aparatının rəhbəri Andriy Ermak Moskva ilə Kiyev arasında münaqişəyə tezliklə son qoyulmasının vacibliyini qeyd edərək, növbəti sülh konfransının hərbi əməliyyatlara son qoymağa yol açacağına ümid etdiyini bildirib.
