Fransa prezidenti Emmanuel Makronun Avropa dövlətlərinin Ukraynaya quru qoşunlarını göndərməsi ilə bağlı dünənki bəyanatına bir çox Avropa ölkəsi reaksiya verib.
Gununsesi.info xəbər verir ki, Makron bu məsələdə konsensus olmadığını bildirsə də, bəzi ölkələrin Ukraynaya öz qoşunlarını göndərməyə hazır olduğunu açıqlayıb.
“Hazırda əsgərlərimizi döyüş meydanına göndərmək üçün konsensus yoxdur… Rusiyanın qalib gəlməməsi üçün əlimizdən gələni edəcəyik”, – deyə Makron bildirib.
Bəyanatın ardınca Almaniya və Polşa başda olmaqla bir çox Avropa ölkəsi Ukraynaya qoşun yeritməyi planlaşdırmadıqlarını açıqlayıb.
Kremldən verilən açıqlamada NATO üzvü olan Avropa ölkələrinin Ukraynaya qoşun yeridəcəyi təqdirdə, Rusiya ilə NATO arasında münaqişənin qaçılmaz olacağı bildirilib.
Kremlin sözçüsü Dmitri Peskov dünən jurnalistlərə deyib ki, “NATO ölkələrindən Ukraynaya müəyyən qoşunların göndərilməsi imkanının müzakirəsi çox vacib yeni elementdir”. “Bu halda biz (birbaşa münaqişənin) mümkünlüyü haqqında deyil, onun qaçılmazlığı barədə danışmalı olacağıq”, – Peskov əlavə edib.
Almaniya kansleri Olaf Şolts da Avropa ölkələrinin və NATO üzvlərinin Ukraynaya qoşun yeritmək təkliflərinə qarşı çıxıb.
“Gözəl bir müzakirə mühitində əvvəldən öz aramızda və bir-birimizlə razılaşdığımız ünsürlərin gələcək üçün də keçərli olduğu, yəni Avropa ölkələri və ya NATO tərəfindən göndərilən quru qoşunları və əsgərlər müzakirə olundu. üzvləri Ukrayna ərazisinə göndərilməyəcək”, – Şolts deyib.
Böyük Britaniyanın baş naziri Rişi Sunakın sözçüsü bəyan edib ki, Britaniyanın Ukraynaya irimiqyaslı qoşun göndərmək planı yoxdur.
İspaniya hökumətinin sözçüsü Pilar Alegria da bildirib ki, İspaniya Fransanın qoşun yeritmək təklifi ilə razı deyil və Ukraynaya silah yardımını məhdudlaşdırmaq istəyir.
Gununsesi.info
