Türkiyə hökuməti isə Ukraynadan köçən Ahıska türklərini ölkənin şərq bölgələrində yerləşdirir.
Gununsesi.info “Anadolu”-ya istinadən xəbər verir ki, bu yaxınlarda Ukraynada daha 341 Ahıska türk ailəsi Türkiyədə daimi yaşamaq üçün köç edib. Hökumət onları ölkənin şərqindəki Ərzincan əyalətində yerləşdirib. Ahıska türklərinin yerləşdirilməsi ölkə başçısı Rəcəb Tayyib Ərdoğanın tapşırığı əsasında baş nazir Binəli Yıldırım tərəfində koordinasiya edilir.
Bundan öncə 1206 Ahıska türkü Ərzincanın Üzümlü rayonunda yerləşdirilib.
Qeyd edək ki, Ahıska türklərinin vətəni Gürcüstanın cənub-qərb bölgəsidir. Onlar 1944-cü ildə kütləvi surətdə Qazaxstan, Özbəkistan və Qırğızıstana sürgün ediliblər. 1989-cu ildə Özbəkistanın Fərqanə vadisində Ahıska türkləri təzyiqlərə məruz qaldığından yaşadıqları yerləri tərk etmək zorunda qaldılar və onların böyük bir qismi Ukraynanın Slavyansk rayonunda yerləşdirildilər. Ukraynanın şərqində təqribən yeddi min Ahiska türkü yaşayır.
Gununsesi.info
