Macarıstanın baş naziri Viktor Orban və parlament seçkilərində qalib gələn Hollandiya Azadlıq Partiyasının lideri Gert Vilders Ukraynadan maliyyələşməyə və Kiyevin Avropa İttifaqına (Aİ) üzv olmasına mane ola bilər.
Gununsesi.info xəbər verir ki, bu barədə Britaniyanın “The Economist” jurnalı məlumat yayıb.
Məlumata görə, dekabrın 14-15-də keçiriləcək Aİ sammitində Ukraynaya maddi yardım və Avropa İttifaqına daxil olmaq perspektivi nəzərdə tutulmalı idi, lakin iki siyasətçinin mövqeyinə görə bu məsələlər “arxa plana keçib”.
“The Economist”in qeyd etdiyi kimi, Orban aylardır Ukraynaya külli miqdarda vəsait göndərilməsinin əleyhinə çıxıb, Vilders isə Aİ-nin genişlənməsini tənqid edir.
Bundan əvvəl “Politico” qəzeti yazıb ki, dekabrın ortalarında Aİ sammitində Ukraynanın bu quruma üzv olması və Kiyevə 50 milyard avro məbləğində maliyyə yardımı göstərilməsi ilə bağlı sazişin bağlanması müzakirəsi zamanı “siyasi böhran” yarana bilər.
Qəzetin qeyd etdiyi kimi, liderlər Brüsselin Kiyevə dəstəyini tam nəzərdən keçirməyə razılaşana qədər bütün siyasi və maliyyə prosesinin dondurulmasını tələb edən Viktor Orban belə planları poza bilər. “Politico”nun məqaləsində deyilir ki, Orban “mütəmadi olaraq Aİ-ni uçuruma doğru itələyir, lakin diplomatlar indi onun Ukraynaya qarşı düşmənçiliyinin yaxınlaşmaq üzrə olmasından panikaya düşürlər”.
Gununsesi.info
