Fevralın 24-dən etibarən Rusiya Ukrayna ərazisinə 1 200-dən çox ballistik və qanadlı raketlər atıb, onlardan 467-si yaşayış məntəqələrinə düşüb.
Bunu BMT Təhlükəsizlik Şurasının iclasında Ukraynanın BMT-dəki daimi nümayəndəsi Sergey Kislitsa bildirib.
“Özlərinin ilkin blitskriq planının uğursuzluğundan sonra rus qoşunları “B” planına keçdi. Bu plan Ukraynanın siyasi rəhbərliyini və xalqını təslim olmaq məqsədilə qorxutmağa, Ukraynada humanitar fəlakət törətməyə və ölkəmin kənd təsərrüfatı potensialını məhv etməyə yönəlib”, – deyə Ukraynanın BMT-dəki nümayəndəsi vurğulayıb.
Sergey Kislitsa həmçinin qeyd edib ki, Rusiya ordusu ələ keçirdiyi ərazilərdə 30-a yaxın yerli hökumət başçısını, vətəndaş fəalı və jurnalisti oğurlayıb”.
Gununsesi.info
