Avropa İttifaqı Ukraynadakı humanitar layihələr üçün əlavə 45 milyon avro, Moldovaya isə 5 milyon avro ayırıb.
Gununsesi.info xəbər verir ki, bu barədə bazar günü Avropa Komissiyasının mətbuat xidməti məlumat yayıb.
“Avropa Komissiyası Ukraynada baş verən hadisələrdən zərər çəkmiş insanlara dəstək olmaq üçün əlavə 50 milyon avro humanitar maliyyə ayırıb, o cümlədən 45 milyonu Ukraynada, 5 milyonu Moldovada humanitar layihələrə ayrılıb”, – məlumatda deyilir.
Bildirilib ki, vəsait mülki şəxslərin dərman, içməli su və gigiyena vasitələri ilə təmin edilməsi, sığınacaqların və cinsi zorakılığın qarşısının alınması üçün layihələrin həyata keçirilməsinə yönəldiləcək.
Qeyd edək ki, 50 milyonla birlikdə Aİ-nin həm Ukraynadakı, həm də xaricdəki qaçqınlar üçün humanitar yardımı 143 milyon avroya çatıb.
Gununsesi.info
