Bu yay Mərkəzi Aralıq dənizində miqrasiya yolu boyunca ölən və ya itkin düşənlərin sayı üç dəfə artıb.
Gununsesi.info xəbər verir ki, bu barədə BMT-nin Uşaq Fondunun (UNICEF) bəyanatında deyilir.
Təşkilat qeyd edib ki, Mərkəzi Aralıq dənizi ən təhlükəli miqrasiya marşrutlarından biri olmaqda davam edir.
İlin əvvəlindən etibarən Mərkəzi Aralıq dənizini keçərək İtaliyaya valideynləri və ya qohumları olmadan keçən uşaqların sayı ötən ilin eyni dövrü ilə müqayisədə 60 faiz artaraq 1600-ə çatıb.
Bundan başqa, cari ilin iyun-avqust aylarında bu miqrasiya yolunda uşaqlar da daxil olmaqla azı 990 nəfər ölüb və ya itkin düşüb. Ötən ilin eyni dövründə bu marşrut üzrə 334 nəfər itkin düşmüş və ya ölmüşdür.
Qeyd olunur ki, bu marşrutda bir sıra insidentlər qeydə alınmadığından verilən rəqəmlər daha da yüksək ola bilər.
Səid Əhmədli
Gununsesi.info
