Ünvanlı sosial yardımın məbləği artırılmayacaq - HADİ RƏCƏBLİ

  • By Mayil
  • 17 Noyabr 2016 11:05
hadi 
Növbəti ildə əhalinin aztəminatlı təbəqəsi üçün nəzərdə tutulan ünvanlı sosial yardımın həcmi  artırılmayacaq.
Gununsesi.info xəbər verir ki, bunu Milli Məclisin Əmək və sosial siyasət komitəsinin sədri Hadi Rəcəbli deyib.
Onun sözlərinə görə, buna səbəb Əmək və əhalinin sosial müdafiəsi nazirliyinin  ünvanlı sosial siyasətlə bağlı həyata keçridiyi islahatlarla bağlıdır. “Bunu nəzərə alaraq 2017-ci ilin dövlət büdcəsində ehtiyac meyarının qaldırılması nəzərdə tutulmur”- deyə, komitə sədri vurğulayıb.
Bununla belə deyib ki,  ehtiyac meyarı qaldırılmasa da, yaşayış minimumu qalxacaq. “Ölkədə baş verən infilyasiyanı nəzərə alaraq gələn ilin büdcəsindən  sosial müdafiə xərclərinin həcminin artırılması nəzərdə tutulur. Ayrılacaq xərclər  sosial müavinətlərin, pensiyaların artırılmasına yönəldiləcək. Bununla yanaşı indiki  infilaysiya şəraiti nəzərə alınaraq   sosial müavinətlər və pensiyalar indeksasiya olunacaq”- deyə, o bildirib
Qeyd edək ki, 2016-cı ildə  dövlət büdcəsində ünvanlı dövlət sosial yardımının təyin edilməsi məqsədilə ehtiyac meyarının həddi 105 manat məbləğində təsdiq edilib.
2016-cı il üçün yaşayış minimumu ölkə üzrə 136 manat, əmək qabiliyyətli əhali üçün 146 manat, pensiyaçılar üçün 115 manat, uşaqlar üçün 117 manat məbləğində müəyyən edilib.
Mürtəza
Gununsesi.info