Suriya sərhədi yaxınlığında yerləşən İdlip şəhərində ABŞ-a məxsus pilotsuz uçuş aparatının zərbələri nəticəsində “Əl-Qaidə” Terror Təşkilatının ikinci şəxsi Əbu Hayr əl-Misrin və adları açıqlanmayan daha iki nəfər ölüb.
Gununsesi.info Türkiyə mətbuatına istinadən xəbər verir ki, 59 yaşlı Əbu Hayr əl-Misrin “Əl-Qaidə” terrorçu təşkilatın lideri Eymən əl-Zəvahirin köməkçisi olub.
Hazırda Misrin öldürülməsi xəbəriylə bağlı sosial şəbəkədə xeyli sayda fotoşəkil və videolar paylaşılıb.
Xatırladaq ki, 1957-ci ildə Misirdə anadan olan Misrin Misir İslami-Cihad Təşkilatının üzvü olub.1980-ci ildə Misrin ölkəni tərk edib.1990-cı ildə Bosniyada gedən döyüşlərdə iştirak edib. Misri terror təşkilatının partlayıcı maddələr üzrə mütəxəssisi olaraq bilinir. 1998-ci ildə Keniya və Tanzaniyada ABŞ səfirliklərinə təşkil edilən hücumların arxasında adı hallanan Misri, Usamə bin Ladenin qızıyla evlidir.
Anar
Gununsesi.info
