Milli Məclisin İqtisadi siyasət komitəsinin üzvü Vahid Əhmədov Gununsesi.info-nu 1 yaşı münasibətilə təbrik edib.
Saytımıza ünvanladığı təbrik məktubunda millət vəkili Gununsesi.info-nun qısa zaman ərzində ölkənin oxunaqlı və operativ xəbər portallarından birinə çevrildiyini deyib: “Qısa zamanda tanındınız. Bu, hər media orqanı yaradan insanlara nəsib olmur. Xüsusilə, Milli Məclisin fəaliyyətinin geniş işıqlandırılması, ölkənin sosial-iqtisadi həyatına aid təhlillər, müsahibələr, ekspert rəyləri hər zaman diqqəti cəlb edir. Mən Gununsesi.info-nun baş redaktoru Pərviz Həşimli başda olmaqla, saytın bütün kollektivinə uğurlar arzu edirəm”.
