““Vaqner”in döyüşçüləri xüsusi olaraq Belarusa göndərilib” - LUKAŞENKO RUSİYANI GÜNAHLANDIRDI

  • By admin
  • 04 Avqust 2020 15:21

Belarus Prezidenti Aleksandr Lukaşenko ölkəyə daha bir əcnəbi dəstənin gəlməsi barədə məlumatlı olduğunu deyib.

Gununsesi.info-nun TASS-a istinadən verdiyi xəbərə görə, A. Lukaşenko bu barədə prezident seçkiləri öncəsi çıxışında bildirib.

O deyib ki, Minsk yaxınlığında saxlanılan ruslar xüsusi olaraq Belarusa göndərilib.

Belarus Prezidenti ölkədə sabitliyin pozulmasına milyardlarla vəsaitin yönəldildiyi vurğulayıb.

A.Lukaşenko Rusiya tərəfini saxlanılan ruslarla bağlı yalan danışmağı dayandırmağa çağırıb.

Xatırladaq ki, iyulun 29-da Belarus hüquq-mühafizə orqanları Minsk ətrafında xarici özəl hərbi şirkətin 32 döyüşçüsünü saxlayıb. Sonradan məlum olub ki, döyüşçülər Rusiyanın “Vaqner” özəl hərbi qrupunun üzvləridir.

 

Gununsesi.info