İndoneziyada vulkan püskürməsindən sonra ən azı 11 səyahətçinin cəsədi tapıldığı halda, itkin düşən 12 nəfərin axtarışı təhlükəsizlik səbəbilə dayandırılıb.
Gununsesi.info xəbər verir ki, bazar günü Marapi vulkanının püskürməsi nəticəsində 75-ə yaxın alpinist 2900 metrlik dağa qalxarkən yolda qalıb.
Səlahiyyətlilər püskürmədən sonra həyəcan siqnalını ikinci ən yüksək səviyyəyə qaldırıb və potensial lava səbəbindən sakinlərə kraterə yaxınlaşmağı qadağan edib.
Padanq Axtarış və Xilasetmə Təşkilatının rəhbəri Əbdül Malik bildirib ki, təxliyyə olunmayan 26 nəfər var. Onlardan 14-ü tapılıb. Tapılanlardan 3-ü sağ, 11-i isə ölüdür.
Bundan əvvəl bölgədən 49 alpinist təxliyə edilib, xilas edilənlərdən 8-i yanıq xəsarətləri ilə xəstəxanalara çatdırılıb.
Partlayış kül buludlarını təxminən 914 metr yüksəkliyə yayıb. Milli Fəlakətlərin İdarə Olunması Agentliyinin sözçüsü Əbdül Muhari səpələnən külün bir çox kəndi bürüdüyünü və günəş işığının da qarşısını aldığını söyləyib.
Gununsesi.info
