Azərbaycanda vətəndaşların əmək hüquqları sahəsində vəziyyət ABŞ Dövlət Departamentinin hesabatında əks olunub.
Gununsesi.info-nun xəbərinə görə, hesabatda bildirilir ki, qanun müstəqil həmkarlar ittifaqı yaratmaq və onlara üzv olmaq hüququnu təmin etsə də uniformalı hərbçilərin, polisin və idarə heyətinin həmkarlar ittifaqlarına qoşulması qadağandır: “Qanun işçilərə kollektiv sövdələşmə hüququnu təmin etsə də, həmkarlar ittifaqları əmək haqqı səviyyələri və iş şəraiti ilə bağlı səmərəli danışıqlar apara bilmir. Çünki hökumətin təyin etdiyi şuralar böyük dövlət firmalarını idarə edir”.
Hesabatda, həmçinin deyilir ki, qanun özəl sektor işçilərinin əksəriyyətinə qanuni tətillər keçirmək hüququnu təmin edir: “Lakin dövlət qulluqçularının tətil etməsini qadağan edir. Tətil etmək qadağan edilən işçilərin kateqoriyalarına yüksək vəzifəli icra və qanunverici orqanlar, hüquq-mühafizə orqanlarının əməkdaşları, məhkəmə işçiləri, yanğınsöndürənlər, səhiyyə, elektrik enerjisi, su təchizatı, telefon, dəmir yolu və hava hərəkətini idarə edən işçilər daxildir. İctimai nəqliyyatı pozmaqda təqsirli bilinən tətil edən işçilər üç ilə qədər həbs cəzası ala bilərlər.
Hökumət birləşmək azadlığı, tətil hüququ və ya kollektiv sövdələşmə ilə bağlı qanunları effektiv şəkildə tətbiq etməyib”.
Dövlət Departamenti öz hesabatında ötən ilin aprelində Wolt ilə işləyən müstəqil müqaviləli kuryerlərlərin aksiyası haqqında yazır: ” Wolt ilə işləyən müstəqil müqaviləli kuryerlərlər Proqramın kompensasiya planında planlaşdırılan dəyişikliklərə etiraz etmək üçün çoxgünlük tətil keçirdilər. Bir neçə kuryer tətildə iştirak etdikləri üçün işdən çıxarıldıqlarını iddia edir. Sentyabrda keçirilən analoji tətil zamanı təşkilatçılar bir neçə sürücünün tətildə iştirak etdikləri üçün işdən çıxarıldığını və ən azı bir təşkilatçının rayon polis şöbəsinə məlumat verməsinin tələb olunduğunu iddia etdilər. Əksər həmkarlar ittifaqları müstəqil deyil və bəzi jurnalist ittifaqları istisna olmaqla, böyük əksəriyyəti hökumətlə sıx bağlı qalıb. Azərbaycan Həmkarlar İttifaqları Konfederasiyası (AHİK) ölkədə yeganə həmkarlar ittifaqı konfederasiyasıdır. AHİK müstəqil təşkilat kimi qeydiyyatdan keçsə də, hökumətlə sıx əlaqədədir. AHİK 26 sektorda 1,1 milyon üzvü təmsil edir. Həm yerli, həm də beynəlxalq QHT-lər iddia edirdilər ki, əksər sənayelərdə çalışan işçilər öz hüquqlarından böyük ölçüdə xəbərsizdirlər və bu hüquqlardan istifadə etsələr və ya şikayətlər irəli sürdükləri təqdirdə qisas almaqdan qorxur. Kollektiv sövdələşmələrə çox vaxt formallıq kimi yanaşılır və icra olunmur”.
Afət Abbasova
Gununsesi.info
