Xocəsən-Lokbatan avtomobil yolunun 9-13 kilometrlik hissəsinin deformasiyaya uğramış asfalt-beton örtüyünün və dağılmış hissələrinin təmir-bərpa işləri aparılır.
Bu barədə Gununsesi.info “Azəravtoyol” ASC-nin mətbuat xidmətindən bildirilib. Təmir işləri çərçivəsində yolun köhnə asfalt-beton örtüyünün qabarmış və dağılmış hissələri frez maşınları ilə qaşınaraq kənara daşınır. Ümumilikdə təmizlənmiş hissələrə 10 min kvadratmetr yeni asfalt-beton örtüyü döşənəcək.
Təmir-bərpa işləri tərtib olunmuş cədvələ uyğun aparılır və vaxtında yekunlaşdırılması üçün əraziyə lazımi sayda qüvvə cəlb olunub. İşlərin bir neçə gün ərzində yekunlaşdırılması planlaşdırılır.
Gununsesi.info
