Dünya Səhiyyə Təşkilatı (DST), xolera epidemiyasından Yəməndə həyatını itirənlərin sayının 789-a çatdığı bildirib.
Gununsesi.info Türkiyə mətbuatına istinadən xəbər verir ki, Dünya Səhiyyə Təşkilatının Yəmən ofisinindən verilən məlumata görə, Yəmənin 19 vilayətində aprelin 27-dən bu günədək epidemiya səbəbindən həyatını itirənlər sayı 789-a çatıb.
Belə ki, ölkə üzrə 101 min 800 nəfər xolera epidemiyasına yoluxma şübhəsi ilə nəzarətə götürülüb.
Qeyd edək ki, Yəməndə 2 ildən artıq davam edən qarşıdurmalar səbəbindən təxminən 3 milyon insan yurd-yuvalarından didərgin düşüb. Məcburi köckünlər müvvəqəti məskunlaşdıqları torpaqlarda təmiz içməli su tapmamaları və əraziyə tullantıların toplanamaması nəticəsində hər gün xoleraya tutulma riski ilə qarşı-qarşıya qalır.
Anar
Gununsesi.info
