Xaçmaz rayonunda yaşayış evlərindən oğurluq edən şəxs saxlanılıb.
Gununsesi.info-nun APA-ya istinadən verdiyi məlumata görə, Xaçmaz rayon Polis Şöbəsi (RPŞ) əməkdaşlarının keçirdikləri əməliyyat-axtarış tədbirləri nəticəsində Xaçmaz rayon sakinləri – 1993-cü il təvəllüdlü Xanməhəmmədov Taleh Ömər oğlu və 1999-cu il təvəllüdlü Quliyev Aqşin Azər oğlu tutulub.
Aparılan əməliyyat axtarış tədbirləri nəticəsində onların Xaçmaz rayonunun Nabran kəndində Kamilov Eynulla Camal oğluna məxsus evdən 100 manat dəyərində bir ədəd “Tefal” markalı ütü, iki ədəd çaxır və bir ədəd şampan oğurladığı aşkar edilib.
Bundan başqa, bu iki şəxsin qabaqcadan əlbir olaraq Nabranda Cəfərov Orxan Tahir oğluna məxsus evdən hər biri 70 manat olmaqla 6 ədəd elektrik qızdırıcısını və 50 manat qiyməti olan antenasına aid bir ədəd aparatı oğurlamaqla vətəndaşa ümumilikdə 470 manat dəyərində ziyan vurduğu müəyyənləşib.
Gununsesi.info
