Yeni açılmış universitetə qəbul qaydaları açıqlanıb

  • By admin
  • 15 İyul 2016 15:10

UK

 

Fransa-Azərbaycan Universiteti (UFAZ) 2016/2017-ci ci tədris ili üzrə tələbə qəbulunun qaydaları açıqlanıb.

 

Azərbaycan Dövlət Neft və Sənaye Universitetindən Gununsesi.info-ya verilən xəbərə görə, UFAZ ixtisaslarına ali təhsil müəssisəsinə qəbul imtahanı zamanı l qrup üzrə 500 və daha çox bal toplayan hər bir abituriyent müraciət edə bilər. Sənədlərin qeydiyyatı 18 – 23 iyul tarixləri arasında onlayn rejimdə (ufaz.edu.az saytında) və ya çap olunmuş şəkildə saat 10.00-dan 17.00-dək Azərbaycan Dövlət Neft və Sənaye Universitetinə təqdim edilməklə baş tutur.

 

Qeydiyyata alınmış abituriyentlər iyulun 27-si saat 10.00-da Azərbaycan Dövlət Neft və Sənaye Universitetində keçiriləcək imtahanda iştirak edəcəklər. 2 saat davam edəcək imtahan hər birində 10 sual olmaqla Azərbaycan və rus dillərində riyaziyyat, kimya, fizika və ümumi biliklər bölməsindən və ingilis dilində yazılacaq 2 esseden ibarətdir. Test sualına verilmiş hər bir düzgün cavab 2 balla, hər bir esse maksimum 10 balla qiymətləndirilir. Test bölməsində 2 yanlış cavab bir düz cavabı ləğv edir.

 

UFAZ müsabiqəsindən keçməyən abituriyentlər heç bir məhdudiyyət qoyulmadan TQDK tərəfindən digər ali təhsil müəssisələrinə keçirilən müsabiqədə iştirak edə bilərlər.

Gununsesi.info