Ağstafa Rayon İcra Hakimiyyətinin başçısı Seymur Orucov müavini – Sosial–iqtisadi inkişafın təhlili və proqnozlaşdırılması şöbəsinin müdiri Aydın Hacıyevi vəzifədən azad edib.
Gununsesi.org rayon icra hakimiyyətinin rəsmi saytına istinadən xəbər verir ki, bundan başqa, İnformasiya təminatı və təhlil sektoru müdiri Leyla İsayeva da işdən çıxarılıb.
İcra başçısının əmri ilə Elşad Ramazanov başçının köməkçisi təyin edilib. Vəzifədən azad edilənlərin yerinə hələ ki, təyinat yoxdur.
Qeyd edək ki, hazırda Ağstafa Rayon İcra Hakimiyyətinin başçısıAparatının strukturunda 3 vəzifə boşdur.
Gununsesi.org
