Hindistanda diri-diri torpağa basdırılan yeni doğulmuş körpə ətrafdakıların bu tükürpərdən hadisəni görməsi nəticəsində son anda ölümdən döndü.
Gununsesi.info-nun “Doğan Haber Ajansı”na istinadən verdiyi məlumata görə, 4-6 saat əvvəl doğulduğu təxmin edilən körpə qız uşağı ətrafdakı insanların müdaxiləsi nəticəsində xilas edildikdən sonra təcili olaraq yaxınlıqdakı tibb müəssisəsinə aparılıb.
Ölkənin şimalında yerləşən Odisho bölgəsindəki Jajpur şəhərində baş verən hadisənin qurbanı olan körpənin sağlıq durumunun normal olduğu bildirilir.
Nəzərinizə çatdıraq ki, körpəni qurtaranlardan biri Alok Ranjan Rout yeni doğulan qızın yalnız ayaqlarının torpağın üzərində olduğunu gördüklərini, yəni onun başaşağı basdırılmış bir şəkildə boğulmaqdan son anda xilas etdiklərini qeyd edib.
Gununsesi.info
