Yeni Zelandiyanın Səhiyyə naziri Devid Klark bir müddət əvvəl tətbiq olunan karantin qaydalarını pozduğuna görə vəzifəsindən istefa verib.
Gununsesi.org Qafqazinfo-ya istinadla xəbər verir ki, Klark aprel ayının əvvəlində koronavirusun yayılması ilə əlaqədar tətbiq olunan karantin qaydalarını iki dəfə pozduğunu etiraf etmişdi. O, bundan sonra istefa verməyə hazır olduğunu bildirsə də, Baş Nazir Casinda Ardern Klarkın koronavirus pandemiyası səbəbindən ölkədə yaranmış gərgin vəziyyətə görə vəzifədə qalacağını açıqlamışdı.
“Mən çox səhv etdim və istefamı istədim”,- deyə Klark qeyd edib. O bildirib ki, Baş Nazir bu dəfə onun istəyini qəbul edib.
