Yol qəzasından sonra Misirə qaçan tanınmış yazar və oğlu barəsində həbs qərarı çıxarıldı

  • By admin
  • 06 Mart 2024 16:05

Türkiyənin İstanbul şəhərinin Eyüpsultan rayonunda idarə etdikləri lüks avtomobillə yol kənarında maşına çırpılaraq bir nəfərin ölümünə, dörd nəfərin yaralanmasına səbəb olan 16 yaşlı sürücü Timur C. və anası yazar Eylem Tok haqqında həbs qərarı çıxarılıb.

Gununsesi.info xəbər verir ki, qəzadan sonra oğlunu qaçaq yolla Misirə aparan Eylem Tok hadisədən sonra tənqidlərə uzun müddət üzrxahlıqla cavab verib.

“Mən anayam, məni anlamağa çalışın. Təslim olacağıq. İlk növbədə, bütün bu hadisələrə görə nə qədər təəssüfləndiyimi, nə qədər qorxduğumu və panikaya düşdüyümü bildirmək istəyirəm.

Oğlumun həmin gün bizim xəbərimiz olmadan avtomobilimlə yola çıxmasına görə məsuliyyət daşıdığımı qəbul edirəm. Mən bir ana olaraq bu vəziyyətin baş verməməsi üçün bütün lazımi tədbirləri görməli idim. Amma təəssüf ki, yazılanların hamısı doğru deyil, oğlum hadisədən sonra qaçmayıb, əksinə, kömək üçün hadisə yerinə gələn insanlarla bərabər köməklik etdiyi üçün təcili yardım və qruplar da çağırıb.

Xaricə gedəndə kiminsə ölməsindən xəbərimiz olmayıb. Timur hadisə baş verən andan hər gün Türkiyəyə qayıtmaq istəyir. Onun heç vaxt burada qalmaq və ya bu ittihamlardan yayınmaq fikri olmayıb”, – deyə o bildirib.

Qeyd edək ki, qəzadan sonra Timur C.-nin anasına zəng edərək kömək istədiyi, hadisə yerinə gələn yazıçı Eylem Tokun isə oğlunu şəxsi maşınına mindirərək qaçdığı müəyyən edilib.

Polisin işi nəticəsində ana Eylem Tokun gecə saat 02:00-da yetkinlik yaşına çatmadığı üçün sürücülük vəsiqəsi olmayan oğlu Timur C.-ni götürərək hava limanına getdiyi və oradan qaçdıqları müəyyən olunub.

 

Gununsesi.info