Zaqatalada bədbəxt hadisə baş verib.
Gununsesi.info xəbər verir ki, hadisə ötən gün axşam saatlarında rayonun Göyəm kəndində qeydə alınıb.
Belə ki, kənd sakini Nazim Nail oğlu Bayramov qaldırıcı kranla iş görən zaman kranın kabinası həmkəndlisi, 1992-ci il təvəllüdlü Şəmsəddin Məhəmməd oğlu İgidova dəyib.
Zərbədən yerə yıxılan 29 yaşlı Ş.İgidov aldığı ağır bədən xəsarətləri ilə Zaqatala Rayon Mərkəzi Xəstəxanasına çatdırılıb. Həkimlərin səyinə baxmayaraq, yaralının həyatını xilas etmək mümkün olmayıb.
Faktla bağlı araşdırma aparılır.
Gununsesi.info
