Ukrayna prezidenti Vladimir Zelenski Vaşinqtondan yeni hərbi yardım paketini açıqlayıb.
Gununsesi.info xəbər verir ki, Ukrayna lideri bu barədə Kiyevdə Pentaqon rəhbəri Lloyd Ostin ilə görüşdən sonra bildirib.
“ABŞ-dan dövlətimiz üçün yeni müdafiə paketi var. Mən minnətdaram. Xüsusilə, daha çox artilleriya olacaq – hazırda ehtiyac duyulan mərmilər”, – Zelenski deyib.
Eyni zamanda, o, növbəti hərbi yardım paketinin elan olunacağı tarixi dəqiqləşdirməyib.
Zelenski ABŞ-ın müdafiə naziri Lloyd Ostin və Avropadakı Müttəfiq Qüvvələrin Ali Baş Komandanı Kristofer Kavoli ilə danışıqları “çox məhsuldar” adlandırıb.
Noyabrın 20-də ABŞ-ın müdafiə naziri Lloyd Ostin elan olunmamış səfərlə Kiyevə gəlib.
Pentaqonun rəhbərini Ukraynaya səfəri zamanı onu NATO-nun Avropadakı Müttəfiq Silahlı Qüvvələrinin komandanı, ABŞ ordusu generalı Kristofer Kavoli müşayiət edib.
Gununsesi.info
