Ukrayna Prezidenti ağır döyüşlərin getdiyi Avdiyevka şəhərinə səfər edib.
Gununsesi.info xəbər verir ki, bu barədə o, özünün teleqram kanalında məlumat yayıb.
“Komandirlə müdafiə vəziyyəti və əsas ehtiyacları müzakirə etdik”, – o bildirib. Zelenski burada bir sıra hərbçiləri təltif edib.
Qeyd edək ki, Ukraynanın şərqində yerləşən bu şəhər uğrunda döyüşlər uzun müddətdir davam edir. Müharibədən əvvəl 32.000 əhalisi olan şəhərdə 1500-dən bir qədər çox insan qalıb.
Avdiyevka 2014-cü ildə Rusiya ordusu tərəfindən işğal edilib, lakin qısa müddət sonra şəhər işğalçılardan təmizlənib. Daha sonra şəhərin ətrafında istehkamlar tikilib. Bu şəhər Rusiyanın nəzarətində olan Donetsk regional mərkəzinə giriş qapısı hesab olunur.
Gununsesi.info
