Zibil maşını iki azyaşlı qızın üzərindən keçdi- VİDEO

Rusiyanın Moskva vilayətinin İstra şəhərində zibil maşını iki azyaşlı qızın üzərindən keçib.

Dəhşətli hadisənin videosu zibil maşınının arxasınca hərəkət edən avtomobilin videoregistratoru tərəfindən qeydə alınıb.

HTML tutorial

İlkin məlumata görə, qəza nəticəsində azyaşlılardan biri hadisə yerindəcə ölüb, digəri ağır vəziyyətdə xəstəxanaya yerləşdirilib.

Hadisə şahidləri bildiriblər ki, uşaqlar yolu keçərkən anaları onların yanında olmayıb. Üstəlik azyaşlılar yolun digər tərəfinə piyadaların hərəkəti üçün nəzərdə tutulmayan hissəsindən keçməyə çalışıblar.

Hadisənin digər təfərrüatı hələlik məlum deyil.

Gununsesi.info