“Yola saldığımız 2017-ci il Azərbaycan dövlətinin tarixində mühüm il kimi əsk olunacaq. Bu ildə biz bir dövlət olaraq inkişafımızla bərabər həm də region ölkəsi olaraq bölgənin tərəqqisinə tövhəmizi verdik”.
Bu sözləri Gununsesi.info-ya eksklüziv açıqlamasında Azərbaycan Dəmir Yolları Qapalı Səhmdar Cəmiyyətinin sədri, millət vəkili Cavid Qurbanov yola saldığımız ilin yekunlarını dəyərləndirərkən söyləyib. Saytımıza açıqlamasında Cavid Qurbanov bildirib ki, bütün bu uğurların kökündə ölkədəki ictimi-siyasi sabitlik dayanır:
“Bu gün bir çox ölkələrə diqqət etsək, orada nələrin yaşandığını da görmüş olarıq. Cənab Prezidentin vurğuladığı kimi sabitlik olmayan yerdə tərəqqi ola bilməz. Azərbaycan rəhbərliyinin apardığı məqsədyönlü siyasət nəticəsində ölkəmiz sabit və inkişaf edən dövlət olaraq tanınır”.
Cavid Qurbanov Bakı-Tblisi-Qars dəmir yolunun istifadəyə verilməsini 2017-ci ilin ən böyük uğurlarından biri kimi dəyərləndirib: “2017-ci ildə regiona üçün ən əlamətdar hadisələrdən biri – Bakı-Tbilisi-Qars dəmir yolunun rəsmi açılışıdır. Hesab edirəm ki, bu marşurut üç ölkə ilə yanaşı Avrasiya məkanı üçün yeni yüksəliş layihəsidir. İllər öncə bu layihə ideya şəklində gündəmə gələndə bir çox ölkələrdən mənfi münasibət də ortaya çıxmışdı. Amma Prezidentimizin iradəsi ilə qədim İpək Yolunun polad magistrallar üzərində bərpası olan bu layihə indi dünya əhəmiyyətli bir layihədir”.
Cavid Qurbanov 2017-ci il üçün əhəmiyyətli hadisələrdən biri kimi Mehriban Əliyevanın birinci vitse-prezident təyinatı barədə ölkə başçısının qəararını xatırladıb:
“Mehriban xanım millət vəkili və Heydər Əliyev Fondunun rəhbəri kimi xalqımız üçün böyük əmək sərf edirdi. Bu baxımdan hesab edirəm ki, bu təyinat xalqımız və ölkəmiz üçün mühüm tarixi hadisə oldu”.
Gununsesi.info
